Яратам сине, Чаллым!

Мин – яңа гасыр баласы.

Яр Чаллыда туганмын.

Кайчан гына бик кечкенә,

Бигрәк нәни булганмын.

Ак каламның, Яр Чаллымның

Мин – кадерле кешесе.

Якын миңа монда барсы:

Олысы да, кечесе.

Мул сулы Чулман буенда

Урнашкан минем калам.

Шушы кала урамыннан

Мин киләчәккә барам.

Зур заводлар шәһәре бу,

Монда Камаз ясыйлар.

Кешеләре – төскә матур,

Эш кырында батырлар.  

Җыр-моң белән тормыш ямьле,

Сәнгатьне үз итәләр.

Айлы, нурлы монда кичләр,

Якты монда иртәләр.

Чаллы һаман матурлана,

Ул көннән-көн яшәрә.

Язсын безгә бу шәһәрне

Ямьләп, данлап яшәргә.

Җанга якын газиз калам –

Туган ягым, Яр Чаллым.

Синең кебек ямьле төбәк

Беркайда да юк тагын!

Яратам сине, Чаллым!

Лилия Гыйбадуллина