Көмеш кыңгырау

Камилә Вәлиева фигуралы шуу буенча Россия юниорлар чемпионатында җиңде

Саранск шәһәрендә яшүсмерләр арасында үткән фигуралы шуу буенча Россия чемпионатының быелгы җиңүчеләре билгеле булды.

Бу хакта  Яндекс Спорт хәбәр итә. 

Яшүсмерләр арасында фигуралы шуу буенча Россия беренчелегендә милләттәшебез Камилә Вәлиева  алтын медаль яулады.

Кызлар арасындагы ярышта 13 яшьлек Камилә Вәлиева кыска һәм ирекле программаларны уңышлы башкарды. Ике чыгышның суммасы буенча Камилә икенче урынны яулаган Софья Акатьеваны 20 баллга диярлек узып китте. Ә Дарья Усачева - өченче урында.

Ирекле программада Вәлиева ике тапкыр дүрт катлы тулуп башкара алды. 

Камилә Вәлиева 2-8 мартта Таллинда юниорлар арасында узачак дөнья беренчелегендә катнашу хокукына ия булды.

Фото sports.ru сайтыннан

Спорт яңалыклары

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: