Нәни чемпионнар

Безнең балалар бакчабыздагы «Шахмат патшалыгы» түгәрәгенә яратып йөриләр. Түгәрәкнең җитәкчесе Галина Курилина. Нәниләребез зур кызыксыну hәм түземлелек белән бу спорт төренең үзенчәлекләрен өйрәнәләр. Күптән түгел бу түгәрәккә йөрүче балалар hәм Руслан Габитов арасында бәйге-уен булды. Руслан - шахмат буенча спорт мастерына баручы, күп тапкырлар блиц, классик шахматлар буенча шәhәр чемпионы булган егет. Музыка залында узган бу бәйге булачак чемпионнарыбызга үз көчләренә ышанычны көчәйтеп, тагын да тырышып шөгыльләнүгә этәргеч булды.