Безнекеләр - иң сөйкемлеләр!

Түбән Кама шәһәрендә нинди генә сәләтле малайлар-кызлар яшәми! 1нче санлы балалар бакчасында тәрбияләнүче Азалия Хәсәншина, мисал өчен, шәһәркүләм сөйкемле бала бәйгесендә гран-прига ия булган кыз. 

Шушы ук бакчадан Илсаф Таһиров әлеге бәйгедә "Иң ягымлы бала" номинациясендә җиңү яулаган.

Гомумән, үзенчәлекле бакча бу! Шәһәрдә узган чаралардан (берсеннән дә) читтә калмаучы бакча! Аеруча татар телендә узган милли чаралардан! Тукай исемендәге Үзәк китапханәдә "Колачлы иҗат" дип аталган әдәби-музыкаль кичәнең үзенчәлекле бер бизәге булдылар алар. Бу кичә турында тулырак монда укыгыз.