Көмеш кыңгырау

Быел Татарстанда уку елы гадәттәгечә 25-30 майда тәмамланачак

Санитар-эпидемиологик хәл мөмкинлек бирсә, имтиханнар алдыннан 9-11 сыйныф укучылары белән очрашулар да ниятләнә.

Татарстанда уку елы гадәттәгечә май азагында тәмамланачак, аннан укучыларны имтиханнар көтә. Бу хакта Татарстан Премьер-министры урынбасары Ләйлә Фазлыева коронавирус таралуга каршы көрәш буенча оператив штаб утырышында хәбәр итте.

«Уку елы 25-30 майда тәмамланачак. 8 июньдә 11 сыйныфлар өчен Бердәм дәүләт имтиханнары үткәрелә башлаячак», — диде ул.

9 сыйныфлар өчен төп дәүләт имтиханнары ничек үткәреләчәге әлегә билгесез. «РФ Мәгариф министрлыгы линиясе буенча әлегә андый карар юк. Шуңа күрә имтиханнар регламенты өстәмә җиткереләчәк», — дип әйтте Ләйлә Фазлыева.

«Әгәр санитар-эпидемиологик вазгыять мөмкинлек бирсә, имтиханнар алдыннан 9-11 сыйныф укучылары белән очрашулар да ниятләнә», — диде.

Вице-премьер аз комплектлы мәктәпләрдә дә, балалар бакчаларында да балаларның хәленә бик дикъкат белән карарга, авыру билгеләре булса, өйләренә кайтарырга кушты.

Имтиханнарга әзерләнүнең серләре

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: