Телнең юл кагыйдәсе
![Телнең юл кагыйдәсе](http://chelny-rt.ru/images/uploads/blog/2019/4/15/f66e28afe4e4e6cd8afde30fc29aa119.jpg)
Йөри белмәсә юлда, Телгә дә шундый читен. Ике теш арасында Каласы килмәс бүтән.
Телнең юл кагыйдәсе
Йөри белмәсә юлда,
Телгә дә шундый читен.
Ике теш арасында
Каласы килмәс бүтән.
Ашаганда – сөйләшмәс,
Кысылуыннан бизәр.
Телен тешләде дә менә
Шулай диде Илгизәр.
14.04.19.
“Зурлар” уены
Аптырады олылар да,
Аптырамаслыкмыни?!
Сикермибез, йөгермибез,
Куышып уйнамыйбыз.
Хәтта планшет бүлешмибез,
Без хәтта – еламыйбыз!
Утырабыз тыныч кына,
Йөзләр җитди. Көлмибез!
Көлсәк, уен бозыла шул –
“Әти-әни” бүген без!
14.04.19.
Этләр акыллырак!
Эт кешедән акыллырак! –
Бүген шуны аңладым.
Мин әйткәнне үти этем,
Ә мин аны аңламыйм.
Этләр теле гади дә соң –
“Ыр-ыр-ыр” да “һау-һау-һау”.
Ник аларның “Әлифба”сын
Өйрәнәлмимдер, абау??
14.04.19.
Нет комментариев