Чишмә башы

Кайда безнең чишмә башы,
Туктап калган агышы.
Югалган чишмәләр кебек
Безнең милләт язмышы.

Кушымта:
Таңнарга чыгып эзләсәм,
Табармын чишмә башын.
Кайда безнең чишмә, диеп
Сайрыйдыр минем сандугачым.

Былтырганнар өзә идем
Су буенда таллыкта.
Юлсыз җирләрдә адаштык
Сукмак эзләп бардык та.

Кушымта:
Таңнарга чыгып эзләсәм,
Табармын чишмә башын.
Кайда безнең чишмә, диеп
Сайрыйдыр минем сандугачым.

Табар идем чишмә башын,
Улаклар куяр өчен.
Шул чишмә буена килеп
Сабырлык җыяр өчен.

Кушымта:
Таңнарга чыгып эзләсәм,
Табармын чишмә башын.
Кайда безнең чишмә, диеп
Сайрыйдыр минем сандугачым.