Рәхмәт сезгә, укытучы апам!

1. Балачагым мизгеленә кайтып,
Кемдер миңа көн дә эндәшә.
Әниемә тиң укытучы апам 
Хәлләремне минем белешә.

Кушымта:
Рәхмәт сезгә, укытучы апам,
Бәхетегез читләп үтмәсен.
Күңелегез күге аяз булсын,
Яшәү дәрте мәңге сүнмәсен.

2. Авырлыклар килсә, әле дә ул
Җан җылысын бирә, өләшә.
Фәрештәдәй яши җаннарымда
Укытучы апам янәшә.

Кушымта.

3. Изге дога кебек әйткән сүзе,
Уелып калган нәни җаныма.
Әйдәп бара биргән аң-белеме
Нурлар сирпеп тормыш юлыма.

Закир Шаһбан башкара.