Чаллыда «Нәнием» дип аталган балалар остаханәсе эшли башлый

«Нәнием» остаханәсе ике атнага бер тапкыр якшәмбе көннәрендә Чаллы татар драма театрында узачак.  Проект кысаларында 5-7 яшьлек балалар өчен төрле темага һәм төрле форматта татарча мастер-класслар оештырыла. Балаларга уен формасында татар телен өйрәнергә һәм татар телендә аралашырга мөмкин булачак.

Дәресләрне актерлык осталыгы һәм сәхнә теле укытучысы Гөлсинә Җәләлетдинова алып бара.
7нче мартка планлаштырылган беренче очрашуда балалар көнбагыш орлыгы утыртачак, үсемлек үстерү нигезләре белән танышачак. Болар барысы да татар телендә (яки аны өйрәнү элементлары белән) уза.
⠀
Остаханә 1 сәгать дәвам итә. Катнашу бушлай, теркәлү мәҗбүри. Проект Чаллы татар драма театры каршындагы коворкинг мәйданчыгында тормышка ашырыла.

«Брежнев шәһәре» спектакле - гаиләгә мәдхия

Фото http://www.nabchelny.ru/ сайтыннан.