Чаллыда Лилия Гыйбадуллинаның «Бишенче гомер» исемле повесте буенча укучылар конференциясе үтәчәк

Конференция 17нче ноябрь көнне Аяз Гыйләҗев исемендәге Чаллы татар дәүләт драма театрының кече залында була.

Укучылар Лилия Гыйбадуллинаның "Бишенче гомер" исемле повесте буенча фикер алышачак.

ТР Президенты каршындагы Татар телен һәм Татарстан Республикасында яшәүче халыклар вәкилләренең туган телләрен саклау, үстерү мәсьәләләре комиссиясе үткәргән ябык әдәби конкурста "Үсмерләр өчен повесть" номинациясендә беренче урын алган бу әсәр быел "Көмеш кыңгырау" газетасында дөнья күрде. Конференциядә Республиканың төрле районнарыннан һәм Чаллы шәһәреннән мәктәп укучылары, мөгаллимнәр, әдәбият белгечләре, каләм әһелләре һ.б. катнашыр дип көтелә.

Повестьның бер өлеше белән биредә таныша аласыз.