Көмеш кыңгырау

Түрдән уз, яз, рәхим ит!

Карга бураннары белән, Алтынчы март көненнән Язның хәбәрчеләре – Кара каргалар килгән.

Карга бураннары белән,

Алтынчы март көненнән

Язның хәбәрчеләре –

Кара каргалар килгән.

Төс-кыяфәтләр – килешле:

Ялтырап торган кием.

Ап-ак карда кара карга:

– Яз китердем! – дип йөри.

Ала карга, аптырап,

Якын дустына карый.

Сагынганнар бит бер-берсен,

Кайтканнар әле ярый.

Бездән кышның әле бер дә

Китәсе килми кебек.

Яз җиткәнен дә чамалый,

Тик карлар куя өеп.

Кара карга, тыныч кына

Яңгырлар алып килде.

Бер көн эчендә карларны

Суларга әйләндерде.

Менә әйтеп кара язны

Каргалар китерми, дип.

Гөрләвекләр җыры белән

Түрдән уз, яз, рәхим ит!

Роза Әмирова, Чаллы шәһәре, 41нче мәктәп, «Безнең кызлар» әдәби түгәрәге укучысы.

Иң мөһим һәм кызыклы язмаларны Татмедиа Telegram-каналында укыгыз


Теги: ЯЗ
Нравится
Поделиться:
Реклама
Комментарии (0)
Осталось символов: