Таңсылу җыры

Роберт Миңнуллин сүзләре, Гөлсинә Гәрәева көе.

Әгерҗе районы Исәнбай авылыннан Мәдинә, Ризван һәм Рәхим Мөхәммәдиевлар әниләре Гөлнара белән бергә чыгыш ясыйлар.

"Таңсылу җыры"

Кызым бер җыр
Уйлап тапкан,
Шул җыр килә
Төрле яктан:

— Мин әнине яратам!
Мин әтине яратам!

Җырлый кызым
Көн дә безгә,
Җыр яңгырый
Бүлмәбездә:

— Мин калачны яратам!
Мин кояшны яратам!

Кызым җырлый,
Җыры тынмый,
Бөтен дөнья
Җырын тыңлый:

— Мин өемне яратам!
Мин илемне яратам!