«Чишмә башы» җыры Азалия Яфясова башкаруында.
Гөлшат Зәйнәшева сүзләре, Рәүф Адилов көе.
Кайда безнең чишмә башы,
Туктап калган агышы.
Югалган чишмәләр кебек
Безнең милләт язмышы.
Кушымта:
Таңнарга чыгып эзләсәм,
Табармын чишмә башын.
Кайда безнең чишмә, диеп
Сайрыйдыр минем сандугачым.
Былтырганнар өзә идем
Су буенда таллыкта.
Юлсыз җирләрдә адаштык
Сукмак эзләп бардык та.
Кушымта:
Таңнарга чыгып эзләсәм,
Табармын чишмә башын.
Кайда безнең чишмә, диеп
Сайрыйдыр минем сандугачым.
Табар идем чишмә башын,
Улаклар куяр өчен.
Шул чишмә буена килеп
Сабырлык җыяр өчен.
Кушымта:
Таңнарга чыгып эзләсәм,
Табармын чишмә башын.
Кайда безнең чишмә, диеп
Сайрыйдыр минем сандугачым.
Безнең телеграм каналга язылыгыз «Көмеш кыңгырау»
Комментарии
Без имени
0
0
Халык җыры түгел. Рәүф Адилов көе. Гөлшат Зәйнашева сүз.