«Көмеш кыңгырау»ның 36нчы саны!

Абдулла Алиш исемендәге уку йортында уку – әле бер хәл, ә менә герой-шагыйрьнең бюсты-һәйкәле яныннан көн дә укырга йөрү – бөтенләй икенчедер!

Иң элек гимназия белән таныштырып китик әле без сезне. Моннан 20ел элек нәкъ менә татар мәктәбе буларак ачыла ул. Һәм, күз алдына китерегез, нибары 39 укучысы була аның!  Ә бүген заманча җиһазланган бу алдынгы уку йортында 680 бала укый.

Ә Абдулла Алиш исемен йөртә башлаулары ничек булган – 2013 елда  гимназиядә «Алиш варислары» музее ачылган. Бүген бу музейда герой-шагыйрьнең түбәтәенә кадәр бар!