«Көмеш кыңгырау»ның 15нче саны дөнья күрде!

Әгәр дә безнең социаль челтәрләрне күзәтеп барасыз икән, игътибар иткәнсездер, анда милли киемнәр флешмобы бара. Иң кызыгы шунда, без флешмоб игълан итмәгән идек!
15нче апрель көнне Башкортстанда милли киемнәр көне икән. Шул уңайдан бер язылучыбыз татар халык киемнәре кигән укучыларның фотоларын җибәрде. Шуннан күреп башкалар да җибәрә башлады. Шулай үзеннән-үзе флешмобка әйләнеп китте инде ул.
Әле һаман да милли киемле чибәр кызлар-егетләрнең фотолары килә тора.
Үз халкыгызның киемнәрен яратып, горурланып киясез икән, бу бик әйбәт, сөенечле күренеш инде, шулай бит?