Туган ягым - туган төбәгем

20 май көнне Муса Җәлил исемендәге Үзәк китапханәсендә "Туган ягым-туган төбәгем” дип исемләнгән нәфис сүз осталары бәйгесенең сайлап алу этабы була.

Бәйгедә 5 яшьтән 13 яшькә кадәр балалар, 14 яшьтән 18 яшькә кадәр яшүсмерләр катнаша ала.

Бәйгенең шарты булып Чаллы төбәгендә иҗат итүче язучыларыбызның туган якның матурлыгы,табигате турындагы шигырьләре сайланырга тиеш.

Балаларның чыгышларын костюм, слайд-презентация, музыка белән баетырга мөмкин.

Бәйгенең максаты - балаларда туган як табигатенә мәхәббәт уяту, ана сакчыл караш тәрбияләү.

Җиңүчеләрне бүләкләү тантанасы 23 май көнне шәһәр үзәк китапханәсендә булачак.

Бәйгедә катнашырга теләүчеләрне көтеп калабыз