Яусын карлар!

Иртән торып тәрәзәгә

Күз салгач исем китте:

Барча дөнья ап-ак булган,

Ниһаять, кыш та җитте.

Гүя җир өстенә бүген

Ап-ак җәймә капланган.

Агачлар да, сихриләнеп,

Ак шәлләрен ябынган.

Җем-җем итә барча дөнья,

Күзләрне чагылдыра.

Тышка чыксаң кышкы салкын

Иңнәрне салындыра.

Яусын, әйдә, рәхәтләнеп,

Дөньяның бар карлары.

Иген үсәр дуга буе,

Дулкынланыр кырлары.

Эльвина Гәрәева, 6нчы сыйныф, Кама Аланы эшчеләр бистәсе, Түбән Кама районы