Укытучы! Нинди горур исем!

Классыбыз белән бергәләп «Көмеш кыңгырау», «Актаныш таңнары» газетасын яратып укыйбыз. Татар теле һәм әдәбияты укытучыбыз Айсылу Илдус кызы җитәкчелегендә «Каурый каләм» түгәрәгенә йөрибез.

«Уллары» сез минем, «кызларым», дип, 
Безнең өчен янып көюче.
Тормыш ваклыкларыннан аралап,
Яклап, саклап кеше итүче.

Хуҗина Зилә, Яңа Әлем мәктәбе укучысы

Мөгаллим дә, остаз, укытучы
Атамалар төрле, җисем бер.
Кеше тормышында онытылмый
Күңеленә сеңгән исемдер.

Бөеклеге югалмасын иде.
Хезмәт аша хөрмәт яулаган.
Юкка мени бу һөнәргә безнең
Ничә буыныбыз ялганган.

Минем күңелгә дә сеңгән шундый
Бер исем бар, мәңге йөрәктә.
Хәзер инде дистә еллар үзем
Хезмәт куям шушы үрнәктә.

Яңа Әлем мәктәбенең татар теле һәм әдәбияты укытучысы
Шакирова Айсылу Илдус кызы.