Туган авылым – Курса

Яратам мин туган авылымның 
Ямьле, шау-чәчәкле болынын.
Яратам мин шушы болыннарда 
Аунап үскән атын, колынын.

Яратамын ямьле Кесмәсен, 
Челтерәп аккан Игелек чишмәсен.
Аның суы шундый шифалы – 
СөбеханАллаһ күзләр тимәсен.

Күз алдымнан минем һич тә китми 
Җиләклекле биек таулары.
Ялан тәпи йөрим йомшак үләненнән,
Сулыш өрә наратлыклары.

Сокланамын алсу таңнарына, 
Күңел җилкенә иш(е)теп моңлы кошларын.
Ләззәт алам  текә тауларыннан 
Чана шуып суык кышларын. 

Яратам Курсамның аяз зәңгәр күген,
Кырда күкрәп үскән игенен,
Яшеллекләр хөкем сөргән иңкүлеген,
Куе үскән әрәмәлеген.

Гайнуллина Зөләйха, Арча районы, Югары Курса авылы.