Суык бабай шаяра

Суык бабай шаяра
Битләрне дә, борынны да
Һай бик каты чеметә.
Көн кояшлы булса да,
Суык бабай өшетә.

Әле шаярган булып,
Колакларны боргалый.
Селкенмичә торма дип,
Салкын җилен кугалый.

Каникуллар бетсә дә,
Мин әле һаман ялда.
Үтә салкыны белән
Суык бабай шаяра.

Мәктәпкә бара алмыйм,
Һай бик тә салкын тышта.
Суык бабайга рәхмәт,
Каникулны озайта!

Мулләхмәтов Камил, Чаллы шәһәре,  5нче сыйныф,  “Ак каурый”  әдәби  түгәрәге 
әгъзасы.