Роберт абыйга

Иркә әлеге конференциядә «Роберт абыйга» дигән шигыре белән катнашты.

Роберт абый, синең шигырьләрең

маяк кебек барыр юлымда.

Синең иҗат, синең әсәр аша

аңлыймын мин барын, барын да.

Кайберләре бик, бик гади кебек.

Кайберләре үткен һәм усал!

Роберт абый гына яза ала,

бирә ала иде киңәш һәм мисал.

Ничә буын тәрбияләдең син?!

Армый хезмәт иттең халыкка.

Роберт абый, синең шигырьләрең,

яшь буынга кирәк, чынлап та!

Әти-әнием телен хөрмәт итәм,

горур тотам япь-яшь башымны!

Роберт абый тәрбиясе ярылып ята:

хөрмәт итәм горур халкымны!

Әлеге конференция турында тулырак укыгыз►Роберт Миңнуллин исемендәге конференциягә йомгак ясалды