Көмеш кыңгырау

Әлмәтем

ТАССРның 100еллыгы бәйгесенә

Әлмәтем минем, нурлы Әлмәтем,

Багышлап сиңа язам шигырем.

Күз алдымда үсәсең,

Күп мактаулар аласың.

 

Табигатеңә синең сокланам,

Матурлыгыңа һәрчак таң калам,

Тырыш халкыңнан

Мин үрнәк алам.

 

Әлмәтем минем, яшә син мәңге!

Яңадан-яңа яула үрләрне.

Яратып яшик

Туган җирләрне.

 

Гимназиям

Әлмәттә бит бер генә –

Гимназиям ул минем.

Укырга һәм тәртипкә

Өйрәтүчем ул минем.

 

Абруйлы укытучылар

Бирә безгә белемне.

Төрле яктан ачабыз

Һәр көнне үзебезне.

 

Безгә рәхим итегез!

Туган телне бозмагыз,

Саклагызчы сез аны!

Дус һәм тату булыгыз!

 

Сабантуй

Шәһәремнең түрендә –

Матур тау итәгендә,

Бик күркәм бәйрәмебез

Сабантуй үткәрелә.

 

Ерактан килә кунаклар,

Чакырыла җырчылар.

Яшь атларда узышалар,

Көч сынаша батырлар.

 

Баганага да менәләр,

Ваталар чүлмәген дә,

Капчык киеп йөгерәләр

Елмая йөзләре дә.

 

Иң күңелле җәйге бәйрәм –

Сезгә дөресен әйтәм.

Килегез сез дә бәйрәмгә,

Кунак булырсыз бездә!

 

Диана Фәрхетдинова, Риза Фәхретдин исемендәге 1нче гимназия, 7нче сыйныф.

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: