Әле ярый сез бар!

Бу дөньяда туганнары белән аралашып яшәмәүчеләр җитәрлек. Туган булуларын белсәләр дә хәтта. Югыйсә, авыр чакта сиңа ярдәм кулы сузучылар бит инде алар. Тик кайберәүләр туганнарын бай дус-ишләренә алыштыралар. Үзләренә якын булган кешеләре турында ялган сөйлиләр. Туганнар арасын бутап, «Ул синең турыда шулай дип әйтте», дип, бер туктамый сүз йөртәләр.

Безнең туганнарыбыз күп һәм алар төрле шәһәрләрдә яшиләр. Бер-беребезнең хәлләрен телефон аша белешеп торабыз. Авыр чакта бер-беребезгә булышабыз. Кирәкмәгән нәрсәгә вакланмыйбыз. Бәйрәмнәрне бергә үткәрергә тырышабыз. Һәрвакыт аралашып яшибез.

Ризәлә Гыйлемханова, Балык Бистәсе районы, Күгәрчен урта мәктәбе, 9нчы сыйныф.