Көмеш кыңгырау

Әбиләр чуагы

Әмир Фәрхуллинның яңа шигыре.

Бүген никтер матурланган,

Төслеләнгән көн бүген.

Атна буе көн-төн яуган

Яңгыр туктаган бүген.

Болытларны үпкән кояш,

Өргән – болыт юк булган.

Күк җәйдәге кебек аяз,

Бөтен җиргә нур тулган.

Кем бу уттай агачларны

Чуар төскә бизәгән?

Кем җиргә күп алтыннарны

Сибеп, палас төзегән?

Бу көн җәйге сыман эссе,

Җилсез, шундый рәхәт!

Һәй!

Әйтерсең, бу мизгел өчен

Җылы туплаган көзкәй.

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: