Бабамның хикмәтле сүзләре...

Әби-бабаларыбыз безне тәртипкә өйрәтәләр. Аларның һәр сүзе алтын. Мәсәлән, ипи турындагысын гына алыйк. «Иписез, тозсыз аш – ярты аш».

Бабам, ипинең валчыгын да койма, ди. Өстәл артында да: «Аягыңны селкеп утырма, җилкәңә шайтан утырып, ашаганыңны йотып барыр, тамагың ач калыр», – дип кисәтеп тора. Әбиемнең: «Әти-әниләрегез синнән разый булсын, һәрвакыт күркәм холыклы бул, әхлаксызлыктан саклан! Мәрхәмәтле булып, мескеннәргә, гарипләргә шәфкатьле, миһербанлы киң күңелле, юмарт куллы бул!», – дигән сүзләре дә күңелемә кереп урнашты. Картайгач, без дә оныкларыбызга әйтергә тиеш булабыздыр инде бу сүзләрне. Шулай буыннан буынга күчәдер алар.

Вадим Андриянов, Казан шәһәре, 11нче лицей, 3нче сыйныф.

Көннең кыскача яңалыклары безнең телеграм-каналда https://t.me/chelny_rt

Без Вконтактеда https://vk.com/komesh_kingiray