Көмеш кыңгырау

Атлыйм әле авыл урамыннан...

Сагышланмыйк әле, яшик әле, барсы да вакытлыча.

Атлыйм әле авыл урамыннан,

Курка-курка җиргә басарга.

Сары, кызыл, алтын яфракларны,

Таптамыйча ничек узарга?

 

Көзне аны сагыш төсе диләр,

Ә мин тиңлим байлык-муллыкка,

Сокланмыйча йөрү мөмкин түгел,

Тирә-ягымдагы хозурлыкка.

 

Һәрбер фасыл вакытлыча бездә,

Һәрберсе дә якын күңелгә.

Мин бәхетле җирдә яшәгәнгә,

Җанга якын шушы илемдә.

 

Сагышланмыйк әле, яшик әле,

Барсы да вакытлыча.

Барыбызга сәламәтлек бирсен

Җәе, көзе, кышы, язы да.

Галиева Алсу, Вәрәшбаш башлангыч мәктәбенең мәктәпкәчә яшьтәге төркеме тәрбиячесе.

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: