Җәйге ялым!

Җәйге ялым!

Җәй буе уйнадык без,
Дустым Милана белән.
Авыл урамында йөрдек,
Велосипедлар белән.

Телефонга төрле-төрле,
Видеолар төшердек.
Лапас түбәсенә менеп,
Авылны да күзәттек.

Төрле уеннар уйнадык,
Качышып та куышып.
Кул эшләре дә ясадык,
Китаплар да укыдык.

Гел уйнап йөргәнсез дип,
Уйламагыз әле сез.
Әбиемнең кош-кортларын,
Бакчасында караштым.

Җәйге каникул күңелле,
Бик кызык булып үтә,
Озакламый мәктәпкә дә,
Барыр вакытлар җитә.

Рәинә Гыйзәтуллина, 54нче гимназия.