Мәзәкләр дөньясында

– Улым, кил әле монда! – дип әнисе чакыруга, Кәрим борчылып:

– Әни, алгебра укытучысы шалтыраттымы әллә? Ватылган тәрә-
зә турында әйттеләрме әллә? Тапшырылмаган реферат турында икән, борчылма, тапшырырмын, – дип тезеп китте.

– Юк, улым, бары тик әбиең шоколад биргән иде сиңа. Шул гына... Тә-ә-әк, нәрсәләр турында әйтмәкче идең син миңа? Тыңлыйм...

Кечкенә Кәрим әтисе янына килгән дә:

– Әти, минем учымда «У» хәрефенә башлана торган нәрсә яшерелгән, әйтә аласыңмы?

Әтисе озак кына уйлап торган да:

– Биреләм, белмим, – дигән.

– «Уенчык машина» – дип җавап бирә Кәрим, бик җитди генә.