Мәзәкләр

* * *

Кызлар сөйләшә:
– Ләйлә, син диетада түгелмени?
– Әйе, диетада.
– Әле яңа гына ике баллы прәннек ашап куйдың ич!
– Әйе шул, ә чынлыкта дүртне ашыйсы килгән иде.

* * *

Табибта.
– Үскәнем, ач авызыңны һәм «А-а!» дип әйт әле.
– Ә кайсын әйтергә: юл хәрефенме, баш хәрефнеме?

​​​​​​​* * *

Паркта. Күгәрченнәр янында.
– Ә мин кошлар телендә сөйләшә беләм.
– Булмас. Сөйләшеп күрсәт әле.
«Кошшш!!!»  диюгә күгәрченнәр очып ки-
тә. 
– Күрдеңме?

* * *

– Әбием, нишләп синең күзләрең шундый зур?
– Сине яхшырак күрү өчен...
– Әби, ә колакларың нишләп шундый зур?
– Сине яхшырак ишетү өчен...
– Ә борының нишләп шулай зур?
– Без – филләрнең борыны шундый инде, бәләкәчем…

* * *

Урамда. Әни:
– Нишләп син бу куртканы киеп йөрисеңдер. Бөтен кешедә шундый куртка, инкубатор чебиләре сыман.
Кибеттә. Әни: 
– Менә бу куртка ничек сиңа? Ничек инде ул ошамый? Кара, бөтен кеше шундый куртка кигән, ә сиңа нинди кирәктер?