Юл турында табышмаклар һәм мәкальләр

Табышмаклар

Барам, барам — очы юк. (Юл.)

Ару-талу белми ул,
Бензин ягып йөрми ул.
Аның юлы тап-такыр,
Үз юлында ул батыр. (Трамвай.)

Ике аяклы үгез,
Маңгаенда куш мөгез. (Велосипед.)

Ат түгел, кешнәми,
Йөз аттан ким эшләми.
Үзе тыр да тыр.
Йә, бу нәрсә, кем әйтер? (Трактор.)

Юл мәкальләре

• Юлны яхшы белгән арымас.
• Йөри белмәгән юл бозар, сөйли белмәгән сүз бозар.
• Кешенең йөреше нинди — эше дә шундый булыр.
• Юл кешесенең юлда булуы яхшы.
• Юлда йоклаганда, бер күзең ачык булсын.
• Йөз юл — мең хата.
• Юлга чыксаң, юлдашың үзеңнән яхшы булсын.