Көмеш кыңгырау

Чишик әле табышмак

Шалкан, кыяр, помидор, Укроп, суган, кузгалак... Ни генә юк бакчада,  Чишик әле табышмак.

Минем өчен аннан да
Тәмле әйбер юк җәен. 
Авылга кайтсам, әби
Сыйлый мине ел саен. (Җиләк)🍓
.
Бакчага юлым төшсә, 
Авыз итми узалмыйм.
Энәләрдән шүрләсәм дә, 
Сыйланмыйча түзалмыйм.(Крыжовник)
.
Кызылсары төстә ул, 
Файдалы диләр аны. 
Кирәкле витаминга
Баета диләр канны. (Кишер)
.
Берәү, ике, өч, дүт, биш...
Чиләгем бик тиз тула. 
Озакламый өстәлдә
Кара кайнатма була. (Карлыган)
.
Тозласаң да тәмле ул, 
Бу килеш тә ашала. 
Өстендәге күлмәге
Катлы-катлы ясала. (Кәбестә)

Гөлшат Атнагулова.

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: