Көмеш кыңгырау

Болытлар ясыйбыз

Кызыклы тәҗрибә. Болытлар ясап карыйк. Шундый төрле һәм шундый матур килеп чыгалар алар.

Кирәк булачак:

сабын;

микродулкынлы мич;

Эш барышы:

Сабынны 2 минутка микродулкынлы мичкә урнаштырабыз. Тәрәзәсеннән карап тор – сабын формасын үзгәртә башлый. Ул күпергәннән-күперә, ахырдан зур бер болыт барлыкка килә. Ул сыек түгел, ә мусс шикеллерәк була. Кызыкмы? Сабында һава куыклары бар, температура югарырак булган саен, алар да зурая, шуның нәтиҗәсендә менә шундый болыт барлыкка килә. Сабын әрәм була инде, дисеңме? Юк, бу сабынның юу сыйфатларына йогынты ясамый. Юынганда мусс кебек йомшак сабын куллану рәхәтрәк тә әле.

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: