Ялкауларча лагман рецепты

Рецепты:
1. Туралган сыер/бәрән итен зәйтүн маенда җиңелчә кыздырып алабыз, түгәрәкләп туралган суган, шакмаклап туралган кишер, бәрәңге, кызыл борыч салып томалап пешерәбез. Бераздан тоз, кориандр, борыч сибәбез дә кайнаган су салып берәр сәгать чамасы пешерәбез.
2. Аерым савытта лагман өчен бодайның каты сортларыннан ясалган токмачны кайнар суда пешерәбез, аннан салкын су белән юабыз.
3. Итле шулпа әзер булгач, токмачны салып болгатабыз.
4. Ялкауларча лагман әзер, ашларыгыз тәмле булсын!

Рецепт татарча пп сайтыннан алынды