Тавык итеннән өйдә ясаган сосиска

• Сөяксез тавык ите — 500 г.,
• Йомырка — 1 шт.,
• Акмай — 50 г.,
• Сөт — 100 мл.,
• Тәменчә тоз,
• Борыч — 2 чеметем,
• Паприка — ярты чәй калагы,
• Кориандр — ярты чәй калагы.

Эш барышы:
 

• Итне яхшылап юабыз һәм иттарткыч аша үткәрәбез. Акмай өстибез дә яхшылап болгатабыз.
• Массага чи йомырка, паприка, кара борыч, кориандр, тоз һәм сөт өстибез дә тагын болгатабыз.
• Өстәлгә пищевая пленка җәябез, өстенә калак белән бераз гына әзер массаны салабыз да конфет төргән кебек баш башларын төрәбез һәм җеп белән бәйлибез.
• Һава калдырмыйча төрергә тырышырга кирәк.
• Әзер сосискаларны суга салып кайнатып чыгарабыз һәм әкрен утта  20 минут пешерәбез.
• Пешкәч, табага тезеп акмайда яки көнбагыш маенда кыздырып алабыз.

Ашларыгыз тәмле булсын!