Ирис тәме килә торган солы печеньесы пешерәбез

Әлеге рецептны шагыйрә Ләйсән Фәтхетдинова үзенең телеграм каналына куйган.

«Солы печеньесы пешереп алдым, тәмле булды, рецептын сезгә дә куям» дип язган ул.

Печенье пешерү өчен кирәк була:

• 1 йомырка
• 2-3 аш кашыгы шикәр комы
• 1 аш кашыгы бал
• Бераз ванилин,
• тоз
• Ярты чынаяк сары май, эретеп (150 гр тирәсе)
• Солы ярмасы 2 стакан (±)
• Бодай оны 3 аш кашыгы

Солы озак пешә торган иде, камырны блендер белән болгатып ясадым, шулай вакланды, яхшырак булды.

Камыр сыек булмасын, артык каты да булмасын, шуңа карап солы күләмен чамалагыз. Солының эрелеге, ваклыгыннан да тора.

Морозильникта ярты сәгать тоттым, шарчыклар ясап 180 градуста пешердем. Балалар бик яратты, иң мөһиме! Ирис тәмнәре килеп китә.

Пп булсын дисәгез, шикәрсез, бодай оныннан башка да ясарга була. Әмма болай яхшырак килеп чыга, һәркем үзенчә карасын.

Тәмле рецептлар карар өчен  шушында бас.

Ләйсән Фәтхетдинова иҗаты.

Исемең Ләйсән булыр...