Колбаса һәм сыр белән катламнар

admin, 31 октябрь 2023 - 09:33

7179

Чаллының 4нче «Шаянкай» балалар бакчасына йөрүче Шелепева Аня менә шундый тәмле әйбер пешерергә өйрәтә.

Кирәкле ингредиентлар:

1. 500 гр ачыткылы катламлы камыр.
2. Сыр 100 гр.
3. Колбаса яки ветчина 150 гр.
4. Йомырка сарысы 1 шт.
5. 2 аш калагы сөт
6. 3 аш калагы он
7. Кунжут
8. Яхшы кәеф

Колбаса һәм сырны угычтан чыгарабыз, тирән савытка салып болгатабыз.

Камырны 3-4 мм калынлыкта җәябез. 10га 20 см итеп кисәкләргә бүләбез.

Кисәкләргә колбаса белән сыр салабыз. Өсләрен камыр белән каплыйбыз. Кырыйларны чәнечке белән басабыз. Өстенә пычак белән 3 сызык ясыйбыз.

Табага азрак он сибәбез. Катламнарны табага тезәбез. Өстен 2 аш калагы сөт, йомырка сарысы катнашмасы белән майлыйбыз. Кунжут сибәбез. 20-30 минутка, алтын төскә кадәр 160-180 градуска кадәр җылытылган мичкә куябыз.