Тәмле булсын!
Бәрәңгедән - коймак
Кайсы ризык иң тәмлесе? Әлбәттә, бергәләп әзерләгәне һәм гаилә белән бергә утырып сыйланганы. Әйдәле бу юлы коймак пешерәбез. Тик гадәтине түгел, бәрәңге коймагы пешеп карыйк әле.
Бик тиз әзерләнә торган ризык бу. Иң мөһиме, аны әзерләгәндә син дә әниеңә, әбиеңә бик булыша аласың.
Эш барышы болай: иң элек уртача зурлыктагы 6 бәрәңгенең кабыгын әрчибез һәм угыч аша уып ваклыйбыз. Шуңа 3-4 йомырка, тәменчә тоз һәм 6 аш калагы он салып болгатабыз.
Коймак өчен камыр әзер! Инде өлкәннәргә майлы табада чыжлатып, коймакны пешерәсе генә калды. Тәмле булсын!
Гүзәл Шаһигәрәева рецепты
Следите за самым важным и интересным в Telegram-каналеТатмедиа
Безнең телеграм каналга язылыгыз «Көмеш кыңгырау»
Нет комментариев