Бишбармак пешерәбез (классик рецепт)

Ингредиентлар:

Сыер ите  — 600 Грамм, 

Лавр яфрагы  — 1 Штук, 

Борчаклы борыч  — 2 Штук, 

Йомырка  — 2 Штук, 

Су  — 200 Миллилитр,

Он  — 600 Грамм,

Суган  — 2 Штук, 

Тоз, борыч  — тәменчә.

Эш барышы:

Онга тоз салып болгатабыз, ике йомырка сытабыз.

Су өстибез һәм каты итеп камыр басабыз.

Камыр катырак булсын һәм кулга ябышмасын өчен тагын бераз он өстәргә мөмкин.

Камырны ромбиклап кисәбез. Моның өчен аны мөмкин кадәр юкарак итеп җәябез дә тасмаларга теләбез, һәрбер тасманы ромбиклап кисәбез.

Ромбикларны пергамент кәгазьгә тезеп, духовканың ишеге ачык килеш кенә киптереп алабыз. 120 градус температурада 20 минут.

Сыер итен тозлы суда бер сәгать чамасы пешереп алабыз. 30 минут кайнагач, кастрюльгә борчаклы борыч һәм лавр яфрагын салып тагын пешерәбез.

Ит пешкәч, аны шулпадан алып суытабыз һәм җепселләргә бүләбез.

Берничә суганны боҗралап турыйбыз.

Суганны 5-7 минут буена шулпада пешереп алабыз. Суган йомшак һәм үтә күренмәле хәлгә килергә тиеш.

Шулпаны сөзәбез һәм аңа ромбикларны салып җибәрәбез. Алар 8-10 минут пешәргә тиеш.

Ә хәзер яссы тәлинкәгә башта ромбикларны, аннары ит һәм суганны тезәбез, өстенә шулпа агызабыз һәм яшел тәмләткечләр белән бизибез. Бишбармак әзер. Ашларыгыз тәмле булсын!

Чыганак: https://povar.ru/recipes/beshbarmak_klassicheskii-52245.html