Көмеш кыңгырау

Бик тәмле уха рецепты

Татар блогеры, өч кыз әнисе Айгөл Темирбулатовадан тәмле рецепт.

Әлеге уха өчен балыкның кайсы да ярый. Мин бу юлы сөләйман (лосось) балыгыннан ясадым.

Балыкны суга салып, 5-10 минут пешереп аласыз. Кисәкләрен алып, шулпасын сөзәсез. Шунда шакмаклап туралган бәрәңге саласыз (мин күбрәк салам, чөнки сыек аш яратмыйм), кыздырылган суган һәм кишер салам (ат маенда кыздырам).

Бәрәңге пешәр вакыт җитәрәк плавленный сыр яисә сливки яисә авыл каймагы салам (өчесе белән дә ясап карадым, бөтенесе дә бик тәмле). Теге пешкән балыкны кылчыкларыннан чистартып, ваграк кисәкләргә бүлеп өстисе. Тоз (йод саклансын өчен һәрвакыт соңыннан салырга тырышам), борыч, лавр яфрагы салып, әкрен генә утта 5-10 минут тотам да сүндерәм.

Бик тәмле килеп чыга. Традицион ухаларга караганда тәмлерәк минем өчен! 
Әгәр бер генә тәлинкә ашарга уйласагыз, зур тәлинкәгә салып ашагыз.

Автор фотосы.

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (1)
Осталось символов:
  • 16 июль 2020 - 10:15
    Без имени
    Рәхмәт! Тәмле булсын!