Ак карлыган белән кура җиләгеннән желе

Ул желатинсыз да бик яхшы килеп чыга. Кура җиләге желеның төсен баета һәм үзгә тәм өсти.

Кирәк була:

• 500 г ак карлыган;

• 1 кг шикәр комы;

• 500 г кура җиләге.

Эш барышы:

1. Карлыганны юарга, киптерергә, ботаклардан аерырга кирәк. Кура җиләген юарга кирәкми.

2. Җиләкләрне кастрюльгә салырга, утка куярга һәм 15 минут кайнатырга.

3. Аннары җиләкле массаны сөзеп, шикәр комы өстәргә, болгатырга һәм яңадан утка куярга.

4. Болгата-болгата ярты сәгать кайнатырга.

5. Банкаларны стерилизацияләргә.

6. Желены кайнар килеш банкларга тутырырга һәм капкач белән ябарга. Банкаларның астын өскә әйләндереп, төреп, суытырга куярга.

7. Салкынча урында сакларга.

Фото Фрипик сайтыннан.