Кроссворд

Сораулар:
Вертикаль:

1. Аягын-башын яшерә, таш күлмәге эченә, 2. Кышын тауда шуалар, җәен җыеп куялар, 3. Текелди телләре, туктый белми үзләре, 4. Җәен соры, кышын ак, төймә койрык, шеш колак, 5. Котыра да үкерә, бөтен җирне тутыра.

Горизонталь:

6. Сикерә белә, йөгерә белми, 7. Өй артында озын агай, энә белән кое казый, 8. Үскәндә яфрагын ашыйлар, үсеп җиткәч, тамырын ашыйлар, 9. Кечкенә генә берәү, артында озын терәү, 10. Төбе – бер, башы – мең.

Насибуллина Фәридә Хәкимовна, Чаллы, «Айгөл» үсеш үзәге-балалар бакчасы.

Җаваплары: 1. Ташбака, 2. Чана, 3. Сәгать, 4. Куян, 5. Буран, 6. Туп, 7. Тамчы, 8. Суган, 9. Саескан, 10. Агач.