Көмеш кыңгырау

Языгыз хатлар

Языгыз хатлар, җылы нур салып, бер хат язуы авыр түгел лә.

Тормышта була якыннар, ятлар,

сагыш һәм кайгы торгалый сакта.

Якын итсәгез, языгыз хатлар

еракта чакта, бер ялгыз чакта.

Иптәш күрсәгез, чынлап сөйсәгез,

саран булмагыз җылы хисләргә.

Сөенсен әле бу да дисәгез,

янда булыгыз ялгыз кичләрдә.

Языгыз хатлар, җылы нур салып,

бер хат язуы авыр түгел лә.

Языгыз хатлар, ялкынга манып,

бер хат бәясе кыйммәт күңелгә.

1969

Фотода Мөслим районы Вәрәшбаш авылы укучыларының «Көмеш кыңгырау» редакциясенә язган хатлары.

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: