Язны көтәләр

«Яз килә!» дип көтәләр

Өлкәннәр, балалар да,

 «Яз килә!» дип көтәләр

Авыллар, калалар да.

«Яз килә!» дип көтәләр

Таулар, инеш, үзәннәр.

Чыпчыклар да бирешми,

Язга кадәр түзгәннәр.

«Яз килә!» дип көтәләр

Йортлар, юллар, тирәкләр.

«Яз килә!» дип көтәләр

Пычкы, чүкеч, көрәкләр.

Яз килүне көтәләр,

Маэмай, колыннар көтә.

Бал корты, кырмыскалар,

Урман, болыннар көтә.

Язны барысы көтә,

Хәтта җилләр дә көтә.

Карлар гына, яз килгәч,

Кайгырып, елап китә.