Көмеш кыңгырау

Яшьлек күге

Рәмис Кыям улы Аймәтев — татар шагыйре, җырчы. Ул 1968 елның 4 октябрендә Татарстанның Чүпрәле районы Мунчалы авылында туган.

ЯШЬЛЕК КҮГЕ
1.
Яшьлек җәеп талмас канатларын,
Оча иңләп зәңгәр күкләрне.
Яшьлек белән бергә мин дә очам,
Белми яшьлек киртә-чикләрне.

Кушымта:

Яшьлекнең күкләре
Гел биек, гел аяз.
Яшьлекнең иленә
Ашкынып кайта яз.
Очамын, әйтерсең,
Иңемдә канат бар.
Яшьлекнең күгендә
Талмый ул канатлар.

2.
Оча, диләр, яшьлек мәңгелеккә,
Мин ышанам, яшьлек үтми ул.
Узсалар да еллар, әле һаман
Йөрәкләргә яшьлек җитми ул.

Кушымта:

3.
Яшьлек яши безнең күңелләрдә -
Сүрелмәс җыр сыман яши ул,
Кайчакларда күкри күкрәү булып,
Утлы яшен булып яшьни ул.

Рәмис Аймәт.

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: