Шигърият
Ярый ике булмаган
Йолдыз Шәрәпова шигыре.
Ярый бер генә авыз
Биргән табигать безгә.
Ике булса, ямьсез булыр,
Килешмәс иде йөзгә.
Нишләр идек, чынлап та,
Әгәр дә ике булса,
Икесе дә бертуктамый
Кычкырып сөйләп торса.
Ике булса да, колак,
Әйе шул, дөрес, чынлап,
Һич өлгерә алмас иде
Бу кадәр сүзне тыңлап...
Ярый бер генә булган,
Син, туган, шуңа куан.
Ә инде бер авыз белән
Уртак тел табып була -
Тыңларга кирәк чагыңда,
Беразга ябып була,
Әйе бит?!
Следите за самым важным и интересным в Telegram-каналеТатмедиа
Безнең телеграм каналга язылыгыз «Көмеш кыңгырау»
Нет комментариев