Көмеш кыңгырау

Вәт буран бу ичмасам!

Юк-бар гына түгел инде, Вәт буран бу ичмасам!

Кыш та килмәс кебек иде,
Буран да булмас кебек.
Урамнарның чатларына
Көртләр дә тулмас кебек.
Көрәп кенә өлгер хәзер
Көн дә кар, көн дә буран.
Ап-ак чүмәләгә охшап
Калды бит бөтен урам!
Кар астыннан көчкә таптык
Кичә куйган көрәкне.
Көне буе кар көрәтеп
Бирде тагын кирәкне!
Очып китәрдәй буласың,
Өйгә кереп качмасаң.
Юк-бар гына түгел инде,
Вәт буран бу ичмасам!
Дамирә Миннебаева.

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: