Шигърият
Урталык
Сания ГӘРӘБӘ
УРТАЛЫК
Үкчәләре белән кәс-кәс чүкеп,
Бер кыз үтте тәрәз каршымнан.
Үзен күрмәсәм дә, абайладым -
Ут чыгарды асфальт ташыннан.
Аякларын көч-хәл генә атлап,
Бер өлкәне чыккан иртәләп.
Таягы да үзе кебек салмак -
Бара җирне сыйпап-иркәләп.
Мин дә чыгыйм җәйге туфлиләрдән,
Көзгегә күз салдым тукталып.
Таш та тишмәм, таякка да иртә,
Җитезлегем - уйчан урталык.
Сания ГӘРӘБӘ
Следите за самым важным и интересным в Telegram-каналеТатмедиа
Безнең телеграм каналга язылыгыз «Көмеш кыңгырау»
Нет комментариев