Көмеш кыңгырау

Туган җир (Эльмира Шәрифуллина шигыре)

***

ТУГАН ҖИР

И туган җир,

Газиз әнкәм җире,

Әткәм иле, бабам туфрагы!

Җилләр булып исеп,

Гөлләр булып үсеп

Кайтачакмын сиңа мин тагы.

И үскән җир,

Газиз әнкәм җире,

Әткәм иле, әбкәм бишеге!

Мөнәҗәтләр моңын,

Коръән-Кәрим нурын

Каршы алыр күңел ишеге.

И торган җир,

Газиз әнкәм җире,

Әткәм иле, дуслар кочагы!

Тик син якын итсәң,

Битләремнән үпсәң

Балкып яначакмын мин тагы...

 

Эльмира Шәрифуллина турында

Эльмира Шәрифуллина шигырьләрен башкалар белән бутый алмыйсың: чәчрәп торган хатын-кыз авазы, балаларны, милли гаиләне, әхлак-матурлыкны яклап чаң сугу, камиллеккә, яшәүгә өндәү, иманга чакыру аларда.

Рәдиф Гаташ, Татарстанның халык шагыйре

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: