Көмеш кыңгырау

Республика балалар һәм яшүсмерләр газетасы

18+
2024 - Гаилә елы
Шигърият

Сагынам!

Ваемсыз уянган иртәләр - Кайларда калдыгыз? Сагынам!

Ваемсыз уянган иртәләр -
Кайларда калдыгыз? Сагынам!
...Иләс җил кытыклый күңелне -
Исә дә сабыйлык ягыннан...

Кайда ул җил хәзер? Зилзилә
Каезлый картайган бәгырьне.
Сагынам - бер гамьсез чакларым
Тәгәрәп еларлык кадерле!

Сагынам - кантарны тау итеп,
Дөньядан ваз кичкән мәлләрне...
Йөрәгем ярылыр, ишетсәм
Ул чакта бүгенге хәлләрне...

Сагынам - йокылы төннәрне,
Сагынам - кояшлы көнемне!
Сиздерми сабырлык чатнавын,
Тирәнгә яшерәм... телемне...

Сагынам... кичәге илемне...
Сагынам... кичәге үземне...

 

Следите за самым важным и интересным в Telegram-каналеТатмедиа

Безнең телеграм каналга язылыгыз «Көмеш кыңгырау»


Оставляйте реакции

1

0

0

0

0

К сожалению, реакцию можно поставить не более одного раза :(
Мы работаем над улучшением нашего сервиса

Нет комментариев