Сабантуй берләштерә!

Сабантуйлар берләштерә,

Сабантуйлар көрәштерә,

Җиңүләр безгә ят түгел,

Җиңелсәң дә оят түгел -

Шуңа да ул Сабантуй!
Кушымта:
Булсын, әйдә, булсын, әйдә,

Шаулап-гөрләп торсын, әйдә,

һаман бәйрәм, һаман туй,

Күңелле туй, шаян туй -

Ул бит безнең Сабантуй!
Сөлгеләрен җилфердәтә,

Батырларын җилтерәтә,

Биетә дә, җырлата да,

Көлдерә дә, елата да -

Шуңа да ул Сабантуй!
Кушымта.
Колгаларга да мендертә,

Капчык белән дә йөгертә,

Таныштыра, дуслаштыра,

Тик барыбер хушлаштыра -

Шуңа да ул Сабантуй!
Фото https://tatar-congress.org/ сайтыннан.